GOVERNMENT OF TONGA

MEDIA RELEASE

(‘Aho 6 ‘o ‘Aokosi, 2015)

“Fakaava ‘e he Palēmia mo Minisitā Ako mo Akongāué ‘a e faleako Lautohi Pule’anga ‘o Fakakakai, Ha’apai.”

Na’e fakaava ‘e he Palēmia mo Minisitā Ako mo e Akongāué, Hon. Samuela ‘Akilisi Pohiva, ‘a e ngaahi loki ako ‘o e Lautohi Pule’anga ‘a Fakakakai ‘i Ha’apai ‘i he Tu’apulelulu 30 ‘o Siulai 2015.

Ko e ako’angá ni foki na’e holo ‘i hono ‘ahia ‘e Saikolone ‘Ieni ‘a e ‘otu motu Ha’apaí ‘i Sanuali 2014, pea ngaue’aki ‘e he fānauakó ‘a e falelotu ‘o e Siasi ‘o Sisū Kalaisi ‘o e  Kau Mā’oni’oni ‘o e Ngaahi ‘Aho Kimuí ni ke fakahoko ai ‘enau akó. Na’e fe’unga fakakātoa e fakamolé mo e TOP$869,290.00, ‘a ia ko e loki ako ‘e nima, falemalōlō mo e nofo’anga ‘e ua ki he kau faiakó.

Ko e faleakó ni, ko e fakapa’anga ia ‘e he Pule’anga Nu’usilá mo e Pangikē Fakalakalaka ‘a ‘Esiá kae langa ‘e he Kautaha Langa Puloká.

Na’e me’a ‘i he kātoangá ni ‘a H.E. Sarah Walsh ko e Talafekau Lahi ‘o Nu’usila ki Tonga, Hon. ‘Etuate Sungalu Lavulavu- Minisitā ki he Ngaahi Ngāue Lalahi mo e Takimamatá; Saia Faletau, fakafofonga ‘o e Pangikē Fakalakalaka ‘a ‘Esia ‘i Tonga ni mo e kau fakafofonga mei he ngaahi kautaha ‘oku felave’i mo e langa ngāue ko ení.

 

 

 

 

Ko Hon. Samuela ‘Akilisi Pohiva ko e Palemia mo e Minisitā Ako mo Akongāué, ‘i hono fakaava ‘o e faleako fo’ou ma’ae Lautohi Pule’anga ‘o Fakakakai ‘i Ha’apai. ‘Oku ha he taá mo H.E Sarah Walsh, Talafekau lahi Nu’usila ki Tongá.

Ko Hon. Samuela ‘Akilisi Pohiva ko e Palemia mo e Minisitā Ako mo Akongāué, ‘i hono fakaava ‘o e faleako fo’ou ma’ae Lautohi Pule’anga ‘o Fakakakai ‘i Ha’apai. ‘Oku ha he taá mo H.E Sarah Walsh, Talafekau lahi Nu’usila ki Tongá.

 

NGATA’ANGA

 

Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; Ngaahi Faka’eke’eke- Email: pressoffice@pmo.gov.to  

Translate »