GOVERNMENT OF TONGA

MEDIA RELEASE

(‘Aho 3 ‘o ‘Aokosi, 2015)

“Me’a atu Palēmia ki hono katoanga’i e 50 ta’u ‘a e Tau’atāina ‘o e ‘Otu Motu Kukí.”

‘Oku ‘amanaki ke me’a atu ‘a e Palēmia ‘o Tonga, Hon. Samuela ‘Akilisi Pohiva ke kau fakataha mo e toenga ‘o e kau Taki ‘o e Pasifiki ‘i hono tali lelei ‘a e fakaafe mei he Palēmia ‘o e ‘Otu Motu Kuki, Hon Henry Puna, ke nau kau atu ki hono katoanga’i e 50 ta’u ‘o e Tau’atāina ‘a e ‘Otu Motu Kuki ‘i he ‘aho Tusite 4 ‘o ‘Aokosi 2015.

Na’e kamata ‘a e vā ngaue fakatipilometika ‘a e Pule’anga Tonga pea mo e Pule’anga ‘o e ‘Otu Motu Kuki ‘i ‘Aokosi 2014. ‘E kau ‘a e folau ko ‘eni ‘a e ‘Eiki Palēmia ke toe vaofi ange ai ‘a e vā fakakaume’a mo fetokoni’aki ‘a e ongo Pule’anga.

‘Oku muimui folau ‘i he Palēmia ‘a e Sekelitali Pule mo e Sekelitali ki he Kapineti, Dr. Palenitina Langa’oi.

 

NGATA’ANGA

 

Tukuatu mei he:‘Ofisi ‘o e Palemia, Pule’anga Tonga, Nuku’alofa, Tonga.Tu’asila:Taufa’ahau Road, P.O. Box 62.Tel: (676) 24 644     Fax:  (676) 23 888; Ngaahi Faka’eke’eke- Email: pressoffice@pmo.gov.to  

Translate »