|
Kuo fakaha mei he Potungaue Sitetisitika, ko e Tu’unga ‘o e Totongi Koloa ki he mahina Fepueli 2009, ko e mahina hono 6 hokohoko ia e holo ‘a e totongi koloa ‘aki ‘a e peseti ‘e 0.2 mei he 161.8 ‘i Sanuali 2009 ki he 161.4. Ka na’e holo peseti ‘e 0.2 ‘i Sanuali 2009, kae holo peseti ‘e 0.6 ‘i Tisema 2008.
Na’e makatu’unga mei he holo ni ke to e to ai ‘a e Hikihiki Fakata’u ‘o e Totongi Koloa ki he peseti ‘e 1.9 ‘i he mahina Fepueli 2009, ko e hiki ma’ulalo taha ia talu mei he 1997, ka na’e peseti ‘e 3.8 he mahina Sanuali 2009, pea peseti ‘e 12.2 ‘i Fepueli 2008. Koe hikihiki fakata’u ‘o e ngaahi koloa fakalotofonua na’e peseti ‘e 4.7, kae peseti ‘e 0.4 ‘a e ngaahi koloa humai mei tu’apule’anga.
Ko e koloa fakalotofonua na’e hiki ia ‘aki ‘a e peseti 0.5 mei Sanuali ki Fepueli 2009, kae holo e koloa mei tu’apule’anga ‘aki ‘a e peseti ‘e 0.7. ‘I he fakafa’ahinga ‘o e ngaahi koloa, ko e hiki lahi taha mei he koloa me’atokoni na’e peseti ‘e 1, hoko ai e koloa tapaka, kava malohi mo e kava Tong na’e peseti ‘e 0.5, mo e koloa vala mo e su na’e peseti ‘e 0.2.
Ko e ngaahi hiki ni na’e fetamate’aki pe ia mo e to he totongi ‘o e koloa fefononga’aki (-4.9%), mo e koloa faka’api (-0.1%). Ka ‘i he fakafo’i koloa, ko e holo lahi he totongi koloa ‘i he mahina Fepueli na’e ha ia he kalasini, penisini, lolo tisolo mo e me’atokoni mei tahi.
Ko e fakaikiiki ‘o e Ongoongo ni ‘e ma’u pe ia mei he Potungaue Sitetisitika. |
|
The Statistics Department is pleased to report that the Consumer Price Index (CPI) for February 2009 has recorded the sixth consecutive month decrease with a -0.2% from 161.8 in January 2009 to 161.4.
|
1. Ko e fefakatau’aki mo tu’apule’anga ki he Kuata Sepitema 2008 na’e fe’amokaki fe’unga mo e T$89.3 miliona. Na’e makatu’unga ‘eni ‘i he lahiange ‘o e Koloa Hu Mai ko e T$93.4 miliona ‘i he Koloa Hu Atu (fakataha’i mo e Koloa Hu Mai pea to e Hu atu), na’e fe’unga pe mo e T$4.1 miliona.
2. Ko e fe’amokaki T$89.3 miliona ‘oku ne fakafofonga’i ‘a e hiki peseti ‘e 21.7 ‘i hono fakahoa atu ki he fe’amokaki T$73.4 miliona he Kuata Sepitema 2007. Pea hiki’aki ‘a e peseti ‘e 14.3 ‘i hono fakahoa ki he fe’amokaki T$78.1 miliona ‘i he Kuata Sune 2008. Ko e Koloa Hu Mai na’e hiki ’aki ‘a e peseti ‘e 11.5 ‘i hono fakahoa ki he T$83.8 miliona he Kuata Sune 2008. Ko e Koloa Hu Atu na’e holo ‘aki e peseti ‘e 28.3 mei he T$5.3 miliona ‘i he Kuata Sune 2008.
3. Fakafa’ahinga ‘o e ngaahi koloa.
3.1 Ko e Koloa Hu Mai ‘i hono fakafa’ahinga ‘o e ngaahi koloa ‘i he Hamonaise, ko e koloa fakaenatula na’e ma’olunga taha ‘a ia ko e T$31.8 miliona, hoko ki ai ‘a e koloa misini mo e ngaahi naunau fakamekenika na’e fe’unga mo e T$12.5 miliona, koloa me’akai T$10.9 miliona, monumanu mo’ui mo e koloa mei he monumanu T$9.5 miliona, ngaahi koloa ngaohi mei he ukamea na’e T$4.4 miliona pea ko e toenga ‘o e T$24.3 miliona na’e vahevahe ia ‘i he toenga ‘o e ngaahi kulupu.
3.2 Ko e Koloa Hu Atu, na’e lahitaha ai ‘a e ika mo e koloa ngaohi mei he ukamea na’a na taki T$1.2 miliona, hoko ki ai ‘a e koloa vesitapolo ko e T$1.1 miliona, koloa ngaohi mei he kemikale ko e T$0.2 miliona pea vahevahe leva ‘e he toenga ‘a e T$0.1 miliona.
4. Ngaahi tefito’i Koloa Mahu’inga
4.1 Ko e ngaahi tefito’i Koloa Hu mai; lolo tisolo T$5.1 miliona, misini paoa senoleita T$3.7 miliona, penisini T$3.3 miliona, sipi T$2.0 miliona, ngaahi naunau fetu’utaki na’e T$1.7 miliona pea ko e me’alele T$1.4 miliona.
4.2 Ko e ngaahi tefito’i Koloa Hu Atu, ko e ngatu na’e T$0.6 miliona, ika pea mo e feo na’a na taki T$0.4 miliona, , vanilla, kava pea mo e fala na’a nau taki T$0.2 miliona.
5. Ngaahi Fonua Fefakatau’aki
5.1 Ko Nu’usila ‘a e fonua na’e lahi taha ‘etau fefakatau’aki mo ia ‘i he Kuata Ma’asi 2005, na’e fe’unga mo e T$21.8 miliona (peseti ‘e 40.0), Fisi ko e T$10.8 miliona (peseti ‘e 19.8), ‘Aositelelia T$8.6 miliona (peseti ‘e 15.8), Pule’anga ‘Amelika na’e T$4.8 miliona (peseti ‘e 8.8) pea ko e T$8.4 miliona (peseti ‘e 15.6) na’e vahevahe ‘i he toenga ‘o e ngaahi fonua fefakatau’aki pea mo Tonga ni.
5.2 Ko e Koloa Hu Atu ne lahi taha pe ki Nu’usila T$0.9 miliona (peseti ‘e 32.1), ‘Amelika ko e T$0.7 miliona (peseti ‘e 25.0), Hauai’i T$0.3 miliona (peseti ‘e 10.7), ‘Aositelelia T$0.2 miliona (peseta ‘e 7.1), Siapani pea mo Siamane T$0.1 miliona (peseta ‘e 3.6) pea ko e T$0.5 miliona (peseti ‘e 17.9) na’e vahevahe ‘i he ngaahi fonua fefakatau’aki pea mo Tonga ni.
6. Ko e fakaikiiki ‘o e fakamatala ni ‘e ala ma’u atu ia mei he Potungaue Sitetisitika, Tonga, Tevita Misa Fifita Building, Taufa’ahau Rd, Nuku’alofa
|
|
1. Foreign Trade Statistics for September Quarter 2008 recorded a Trade Deficit of T$89.3 million. This was the result of excess Imports of T$93.4 million over Exports (including Re-exports) of T$4.1 million.
|
|
|
|
|
